Ven21022020

Padania.org online: Ultime notizie

Back Community Discussioni padane I ORIGIN CELTEGH DE MILAN

I ORIGIN CELTEGH DE MILAN

Valutazione attuale: / 2
ScarsoOttimo 
Reference Map of Ancient Italy, Northern Part ...

Image via Wikipedia

 

Sora la fondazion del nost Milàn o mej cognossuda in de l’antichità come Medhelan, se ne senten de tucc i color, minga ultima la soa origin romana !

Bon, lè minga vera: Milàn lè stàa fondà di tribù celtegh ciamada “Insubri”, ona antiga tribù che lera gianmò stanziada sul territori padan, già da prima de limperador Giulio Cesare. Lè lu medesim chel scriv su el so "De Bello Gallico".


El Cesare el diseva che el villag (perché se trattava minga gianmò de ona città come la intendom nunch) de Medhelan lera la capital de tutta la Gallia Cisalpina e che tucc i tribù celtegh la consideraven lor capital "maxima"; el diseva anca che lera stada fondada già de temp (cioè gianmò prima del Cesare) appunto dei Insuber, ona di tribù pussèe granda e importanta de tutta la Gallia Cisalpina.
La data de la fondazion l’è minga quèlla che tutt i alter creden de savè, (IV° sec. a.C.), ma l’è pussè vègia: la devom portalla al VI° sec. a.C. come ch’el dis l’ater storegh el pussè important “Tito Livio”. Segond quest chi, quand che ghe regnava el Tarquinio Prisco (616-579 a.C.), ona tribù de la Transalpina, che se ciamaven Insubri, hann ciapà la strada dei valichi alpini e quand che se seren accorgiuu ch’el territori in doe seren capità el se ciamava “Insubrio”, consideraren el nomm de bon auspici.

Inscì domandaven ai lor sacerdotti (Druidi) de fa ona preghiera agli Dei per savè in che sitt fa suu el villag: quest chi ghe domandaren de bon agli Dei che gh’hann mandà giò on segnall sotta i sembianzi d’ona “scrofa semilanuta” bianca di cinghiale.

I Druidi el consideraven on sègn magic provenient degli dèi, perché el bianc lè el simbol de la purezza, sicchè gherenn andà adrèe, fina dona sces de biancospin e chi hann impiantàa ona prèia e intorna a quèsta chi hann scomincià a tràa suu ona cinta. Attornà a questultim hann fàa suu el lor villag.
El legn de biancospin lera la rappresentazion de la dea Belisama e del dio Belenos. Ciamaren el lor villag "Medhelan" chel significa minga "in mèzza a la pianura" ma "santuari de mezz" , in don loeugh considerà sacro, de la presenza don spègg dacqua pura: i vii come Pantano e Laghetto fàn memòria de la lor presenza.

Pussèe innanz, de on quaj secol, hann fa suu on santuari proppri in onor de la dea Belisama cont di insègna dòr che i Insubri cont larriv dei romani, hann trà su e nasconduu in di montagni.

Ghè de savèe che i Insubri come tucc i alter tribù celtegh, faseven minga i robb inscì comel vègnen: quand doveven fa suu di villag, o di templi, consideraven la posizion geografica, la presenza di particolàr corrent enèrgetegh, la vicinanza di font retegnuu sacre e lallinèament cont di aster particolari o element del tèrritori consideràa significativ.

Tutt quest perché el doveva rappresentà on center dequilibri intra el Ciel e la Terra, in dona perfetta armonia.

De lorigin celtegh de Milàn, in quej dìi dincoeu, se poeuden vedè anmò di simbol particolari. Avant de tutt lè ben regordà la "scrofa semilanuta" che la poeudom vedè in de la piazza Mercanti, vun di simbol pussèe antig del nost Milàn. Poeu la ghè la rogora che lera la pinata pusèe magic di Druidi, visibil in sul porton del Domm de manzina, quand quel chi lè minga avert.
però!

Denter al Domm, in sul plafon de drizza se poeuden vedèe tant di bell "triskell", i simbol per eccelenza celtegh chel rappresenta el percors chel sol el fa in de lann ma anca el spirit e el ciclo de la Vita di Omenn.

Minga ultim la ghè quèlla prèia tant simpatega e minga tant piscinina chl San Barnaba utilizzò per evangelizàa i cittadin de Milàn. Lè ona prèia antiga e importanta per i popol Celtegh Insubri perché la rappresenta cont i so 13 ragg el calendari luni-solari e anca la roeuda della Vita. Lè anca quèsta on simbol solar del dio Belenos.

I sciori cheren intorna alla prèia serenn adrèe celebrà on ritual celtegh quand che lè rivàa el San Barnaba. La se tratta della prèia del famos (per i milanès) "tredesin de marz", che la se troeuva in de la gesa della Santa Maria della Passione. In quej temp là par che la se troeuvava pussèe spostada, in doe adèss la ghè la Basilica de Sant Ambroeus.

Associazione Celtegh Medhelan

Purtroppo non hai il permesso di inviare commenti. Sei stato bloccato.