Mer01122021

Padania.org online: Ultime notizie

Back Community Discussioni padane El Tredesin de Marz

El Tredesin de Marz

Valutazione attuale: / 2
ScarsoOttimo 

 

“......E quii giornad del tredesin de Marz? Gh’era la fera, longa longhera, giò fina al dazi, coi banchitt de vioeurr, de gerani, coi primm roeus, e tra el guardà, l’usmà, el toccà, se vegneva via col coeur come on giardin, pensand al bell faccin de Carolina che sott al cappellin a la Pamela e col rosin sul sen la pareva anca lee la primavera......”

da: “MILANIN MILANON” (Emilio De Marchi)

A Milàn la gh’è ona preia ronda cont on boeucc in mezz e ona raggera de tredes linee incis cognossuu ‘me “preia del Tredesin de Marz”, conligà al culto de S. Barnaba e oggett de gran venerazion in di secol.
La preja, ai origen, l’era mantegnuda in S. Dionigi a Porta Venezia, menter incoeu la troeuom incastonada in del palchè central, in S. Maria al Paradis, in corso de Porta Vigentina al 14.


Segond ona liend antigh, el 13 marz de l’ann 52 d.C., S. Barnaba predicò el vangel de Crist in d’on praa in mezz a on bosch arent Milàn: on sitt in doe se seren reunii di cittadin Milanes, in doe l’era anmò viva la tradizion celtega, per ona celebrazion attorna a la preia. El sant elevò la cros, sora ona preia rustega ronda e sforada per evangelizzaa i Milanes.


L’antiga festa del “Tredesin de Marz” la se perd in di nòtt di temp e la gh’haa origin celtegh spettasciaa.
I Celt seren sòlet celebrà la roeuda de la Vita con di festività ligaa al moviment del Sô; con sta preia voeureven presentà el disco solar cont i sò ragg e l’Anema di Milanes.


Proppri el 13 de marz se festeggia anmò in quji dii d’incoeu, ‘me faseven i nòster antigh, la rinascita del Sô e la noeuva Primavera con la festa di fior che se esponn sora i poggioeu e sora i fenester: fiori che se ciappen in di pasquee, specialment in quella de S.Angel in doe che gh’ee la statoa de S.Francesch.

http://www.pretigianluca.com/celtegh/grafica/foto63.htm

Purtroppo non hai il permesso di inviare commenti. Sei stato bloccato.